Kryetari i Partisë Socialdemokrate (PSD), Dardan Molliqaj, për gjashtë vjetorin e vdekjes së Astrit Deharit, ka thënë se “Kujtimi më i mirë dhe nderimi më i madh që mund t’i bëhet jetës dhe aktivitetit politik të Astritit është angazhimi për drejtësi dhe vazhdimi i betejave që Astriti i besonte, dhe për të cilat angazhohej pa kompromis”.
Molliqaj ka shtuar se angazhimi për drejtësi nuk ka ndodhur por krahas saj ka ndodhur krejtësisht e kundërta.
“Sot jemi në projektin politik që e kërcënon të ardhmen e vendit. Jemi në prag të ndarjes etnike. Jemi në prag të segregimit. Jemi në prag të Asociacionit”, ka shkruar në Facebook Molliqaj.
Kryetari i PSD-së ka shtuar se ndërkohë përveç keqpërdorimit të rastit Dehari, asnjë hap për vendosjen e drejtësisë nuk ka ndodhur.
Sipas Molliqajt, kjo lë të kuptohet që zbardhja e rastit nuk i konvenon pikërisht këtyre në Vetëvendosjes, “sepse pastaj e humbin rolin që ia kanë caktuar vetës në histori: misionarë e të persekutuar”.