Molliqajt nuk i mjafton kërkimfalja e Muratit, kërkon dorëheqjen e tij

Dardan Molliqaj, ka reaguar pas kërkimfaljes së ministrit të Financave Hekuran Murati, ai ka thënë se kjo kërkimfalje nuk mjafton, por ai duhet të japë dorëheqje

Kreu i PSD-së Dardan Molliqaj dhe Ministri i Financave Hekuran Murati

Kreu i Partisë Socialdemokrate, Dardan Molliqaj, po vazhdon ta kërkojë dorëheqjen e ministrit të Financave Hekuran Muratit, anipse ky i fundit ka kërkuar falje për shkrimet e viteve paraprake ku i kishte ofenduar veteranët e luftës.

“Shihni kalendarin: dy dite reagime në rritje dhe dy orë pas thirrjes së protestës, ministri Murati reagon. Tepër vonë për të qenë e sinqertë. Çdo kërkim falje ka qëllim amortizimin e revoltës. Dhe ruajtjen e vetës, kuptohet”, ka shkruar Molliqaj ne Facebook.

Në fund, Molliqaj ka bërë të ditur se protesta e paralajmëruar me gjashtë korrik për ta kërkuar dorëheqjen e ministrit Murati, nuk do të anulohet.

Murati në vitin 2016 kishte thënë se më shumë po kushton buxheti për veteranët se buxheti për FSK-në.

Po ashtu, ai kishte thënë edhe se më mirë Kosova t’i kishte punësuar disa mercenarë për luftë, sepse sipas tij do të kushtonin më lirë.

Pas këtyre deklaratave, Ministri i Financave, Hekuran Murati, ka kërkuar falje, për gjuhën që e ka përdorur para disa viteve ndaj veteranëve të Ushtrisë Çlirimtare të Kosovës.

Shkrimet e vjetra të tij, ai ka thënë se kanë qenë nga mllefi “me ata që asokohe me fryrjen e listave për përfitime financiare e politike po shtrembëronin historinë e luftës dhe të vërtetën tonë kolektive”.

Murati po ashtu, ka shkruar se i përkulet sakrificës së dëshmorëve dhe kontributit të ushtarëve të UÇK-së.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika