Të enjten e 20 tetorit në Kosovë në orët e mëngjesit është parashikuar të mbajë mot me diell dhe vranësira të pakëta.
“Për të Enjten parashikohet të mbajë mot me diell dhe vranësira të pakta, më të pranishme në pjesën e parë të ditës. Ka mundësi të ketë ndonjë reshje të izoluar”, njofton Meteo Kosova.
Era pritet të fryejë kryesisht nga kuadrati i veriut me shpejtësi prej 12 deri në 30 km/h.
Temperaturat do të pësojnë ulje, minimalet e ditës do të sillen prej 6 deri në 8 gradë Celsius, ndërsa maksimalet prej 15 deri në 19 gradë Celsius.
Ndryshe moti gjatë javës së kaluar ishte kryesisht me vranësira, intervale kohore me diell dhe reshje lokale shiu vende-vende. Temperaturat minimale kanë lëvizur mes 4 dhe 9 gradë Celsius ndërsa ato maksimale prej 15 deri në 22 gradë Celsius.