Pas motit të lig në vend, KEDS njofton se në një pjesë të madhe të Kosovës, një numër i caktuar i daljeve janë jashtë funksionit.
“Si pasojë e këtij moti, i përcjellur me shi e erëra të forta, rajonet më të prekura në rrjetin elektroenergjetik janë Gjakova, Prizreni, Ferizaj, si dhe një pjesë e Pejës dhe Prishtinës”, njofton KEDS.
Tutje njoftohet se ekipet e KEDS-it ndodhen në terren nëpër këto rajone dhe po bëjnë të pamundurën që sa më parë ta kthejnë gjendjen në normalitet, për çka kanë kërkuar mirëkuptimin e qytetarëve.