Në emisionin ‘Dueli Sportiv’ në RTV Dukagjini po diskutohet rreth rezultateve dëshpëruese të Kosovës në ndeshjet e fundit.
Ismet Munishi gjatë një debati me ish-përzgjedhësin e Kosovës, Edmond Rugova, tha se nuk është faji te futbollistët për rezultatet e fundit.
Munishi pretendoi se nëse do të emërohej nesër selektor atëherë do ta dërgonte Kosovën në ‘Euro 2024’.
“Nesër unë i marrë e i çoj në Kampionat Evropian. Publikisht po e them se me këto pikë që i kanë e çoj Kosovën në Evropian. Nuk është faji te futbollistët. Djemtë janë duke e dhënë maksimumin,” tha ai.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.