Ministri i Financave, Hekuran Murati, ka thënë se këtë të mekurë janë proceduar me rritje pagat e muajit janar për sektorin publik, me koeficientin e ri prej 110 eurosh.
Murati ka thënë se kjo e bën pagën mesatare bruto prej 780 eurosh në muaj në sektorin publik.
“Sot janë proceduar me rritje pagat e muajit janar për sektorin publik, me koeficientin e ri prej 110 euro, të përcaktuar me Ligjin e Buxhetit për vitin 2024”, ka shkruar Murati në Facebook.
Po ashtu, siç ka shkruar tutje ai, buxheti për paga në vitin 2023 ishte për 17 për qind më i lartë sesa viti paraprak.
Kurse, këtë vit, sipas tij, shtohen edhe 5 për qind të tjera.
“Duke u siguruar kështu që rritja në vazhdimësi të tejkalojë normën e inflacion, që për vitin 2022 ishte 11.6% ndërsa për vitin 2023 ishte 4.9%”, ka shtuar ai.
Në lidhje me koeficientin e ri të pagave, ka protestuar edhe Policia e Kosovës, konkretisht njësitë speciale, të cilët kanë kërkuar që në pagën e tyre të përfshihen shtesat e rrezikshmërisë dhe një sërë kërkesash të tjera.