Kryetari i Lëvizjes për Bashkim, Valon Murati, ka kujtuar përpjekjet e grave për emancipim shoqëror e liri kombëtare. Sipas Muratit ende ka punë për t’u arritur barazia, por në këtë përpjekje gratë nuk janë të vetëm.
“Sot me 8 Mars kujtojmë përpjekjet e grave ndër shekuj për liri individuale dhe barazi në shoqërinë njerëzore ende të dominuar nga vlerat patriarkaliste”.
“Si rezultat i punës së tyre, i luftës së tyre përparimi është i madh, por vetëm përparimi, sepse për të arritur tek barazia ka ende shumë punë. Sot kujtojmë edhe të gjitha gratë shqiptare që ishin shtyllë e përpjekjeve për emancipim shoqëror e liri kombëtare”, ka shkruar ai.
Më tej, Murati ka thënë se beteja për barazi gjinore vazhdon.
“Nderim përpjekjeve për barazi ndër shekuj. E urime me besimin se çdo vit do të jetë një hap para drejt barazisë dhe heqjes së zingjirëve patriarkalist. Në këtë betejë gratë jam i bindur nuk do të jenë vetëm”, ka përfunduar Murati.