Ministri i Financave, Hekuran Murati, ka thënë se “Qarkullimi i bizneseve për muajt janar dhe shkurt të këtij viti, krahasuar me vitin 2023, shënon +4.8% rritje”.
Përmes një postimi në Facebook, Murati tha se “këto janë të dhënat zyrtare, të deklaruara në ATK”.
Tutje, ai tha se pretendimet të kundërta me shifrat që ai thotë se qëndrojnë janë keqinformim.
“Çdo pretendim tjetër nëpër studio televizive ose është i keqinformuar, ose qëllimkeq. Ndërmarrësit tanë e bizneset tona e kanë dëshmuar tash e sa kohë që u bëjnë ballë të gjitha sfidave”, tha Murati.