Mushkolaj: Sulmet ndaj Policisë së Kosovës nuk i konvenojnë Serbisë

Sulmet e fundit të njëpasnjëshme ndaj Policisë së Kosovës në veri të vendit po shihen si alarm serioz për sigurinë e Kosovës

Imer Mushkolaj, Analist

Ngjarjet e fundit në veri nuk janë duke i konvenuar presidentit të Serbisë, Aleksandar Vuçiq, ka thënë analisti Imer Mushkolaj, në emisionin “Debat Plus” në RTV Dukagjini.

Ai ka shtuar se, ngjarje të tilla i konvenojnë vetëm elementeve proruse në Serbi.

“Nuk besoj se në këtë kohë këto ngjarje i konvenojnë Vuçiqit. Më tepër besoj se ngjarjet u konvenojnë grupeve serbe me sentiment prorus në Serbi. Rusia kohëve të fundit nuk është shprehur e kënaqur me Serbinë’’.

“Vetë zyrtarët rusë pozicionin e Serbisë e kanë konsideruar neutral për krizën në Ukrainë. Sot për sot, Beogradit nuk i konvenojnë trazirat në veri të Kosovës. Kur i kanë konvenuar, ai ka shkaktuar trazira siç ishte bllokimi i veriut të Kosovës para disa muajve”, ka thënë ai.

Sipas Mushkolajt, Serbia mund të ndryshojë qasje nëse nuk arrihet ndonjë marrëveshje për targa deri në fund të javës. Andaj Kosova duhet të jetë e kujdesshme gjatë kësaj kohe, pasi  Vuçiq, së fundi, e “ka paraqitur veten te ndërkombëtarët si paqësor, derisa Kosovën dhe Kurti si iniciues të incidenteve të ndryshme”.

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika