Deputetja e Partisë Demokratike të Kosovës, Ariana Musliu-Shoshi, ka reaguar pas vendimit të Shteteve të Bashkuara për pezullimin e Dialogut Strategjik me Kosovën.
Ajo e ka cilësuar këtë veprim si një dëshmi të dështimit të kryeministrit në detyrë, Albin Kurti, duke theksuar se ai përbën tani një rrezik kombëtar.
“Kurti nuk është më problem politik ai është rrezik kombëtar! Deklarata e SHBA-së e demaskon plotësisht dështimin e Albin Kurtit.
Ai e ka kthyer Kosovën në vend të pabesueshëm, të izoluar dhe të braktisur nga miqtë tanë më të mëdhenj.
Sa më shpejt të largohet, aq më shpejt Kosova do të kthehet në rrugën e saj me SHBA-në dhe aleatët tanë strategjikë.
Këtë aventurë të Albinit po e paguan populli i Kosovës!”, shkruar Mushliu-Shoshi.