Ministrja e Arsimit, Arbërie Nagavci ka thënë se këtë vit, Ministria e Arsimit ka shënuar performancë më të mirë sesa vitet e tjera, rezultat që sipas saj ka ardhur nga vëmendja kushtuar transparencës dhe llogaridhënies.
Përmes një postimi në Facebook, Nagavci ka thënë se progresi i lartë i treguar në zbatimin e rekomandimeve të dhëna nga Zyra Kombëtare e Auditimit, është një tregues se arsimi po vazhdon të zhvillohet.
“Me transparencë, llogaridhënie e punë, i sigurojmë qytetarët tanë se paratë e tyre si taksapagues do t’u kthehen në shërbime cilësore në arsim, segment ky që siguron zhvillimin e vendit dhe të ardhme më të mirë për fëmijët tanë”, ka shkruar Nagavci në llogarinë e saj në Facebook.
