Sot është mbledhur Komisioni për Arsim, Shkencë, Teknologji, Inovacion, Kulturё, Rini dhe Sport. Aty po tregohet gjendja e edukimit fizik, shëndetësor dhe sportiv të nxënësve në shkollat e të gjitha niveleve.
Në këtë komision nuk është duke marrë pjesë ministrja e Arsimit, Shkencës, Teknologjisë dhe Inovacionit, Arbërie Nagavci, e cila më herët kishte thënë se do të raportonte.
Anëtarja e Komisionit nga radhët e Lidhjes Demokratike e Kosovës (LDK), Vlora Dumoshi, ka ngritur shqetësimin që, sipas saj, në një diskutim aq të rëndësishëm për arsimin pse nuk po merr pjesë ministrja Nagavci.
Kryetari i këtij komisioni nga radhët e VV-së, Ardian Gola, ka thënë se ministrja nuk është e pranishme, sipas tij, shkak ishte agjenda e planifikuar.
Lidhur me këtë, Dumoshi u shpreh se kjo nuk është arsye.
“Nuk është arsye. Nëse tjerave hera nuk do të vjen, ju lutem mos e vendosni në agjendë”, ka thënë Dumoshi.