Dogana e Kosovës, përmes një postimi në rrjetin social Facebook, ka raportuar edhe një rast tjetër të kontrabandimit, të ndodhur të shtunën e 27 gushtit.
Rasti ka ndodhur në Magjistralen Prishtinë-Mitrovicë, ku oficerët doganorë kanë arritur ta identifikojnë dhe ta ndalojnë kontrabandimin.
Në bashkëpunim me Policinë e Kosovës, oficerët doganorë kanë identifikuar një automjet të dyshimtë në të cilin janë gjetur cigare të kontrabanduara.
Në momentin që zyrtarët doganorë kanë urdhëruar ndaljen e automjetit, këtij urdhri nuk i është bindur automjeti.
Automjeti ka tentuar të ikë, meqë rast zyrtarët janë nisur drejt tij dhe kanë arritur ta ndalojnë. Në këtë automjet janë gjetur 250.000 copë cigare pa banderola, të cilat janë në vlerë 15.885.00 euro.
Sipas Doganës së Kosovës, mallrat janë sekuestruar dhe prokuroria ka filluar hetimet penale.
Vetëm gjatë javës së kaluar Dogana e Kosovës ka identifikuar dhe ndaluar gjashtë raste si ” Tentim kontrabandimi”.
Dogana e Kosovës: Gjatë javës, gjashtë raste në tentim të kontrabandës