Evropa aktualisht është duke u përballur me një valë të të nxehtit, ndërsa shkenctarët kanë konfirmuar që kjo po ndodh për shkak të përshkallëzimit të ndryshimeve klimatike.
Teksa në Francë zjarret në ditët e fundit kanë detyruar mbi 24 mijë njerëz të largohen nga shtëpitë e tyre, ndërsa strehimoret e urgjencës janë ngritur për të evakuuarit.
Gironde, një rajon i njohur turistik në jugperëndim të Francës, është përfshirë nga zjarri i furshëm ndërsa zjarrfikësit përpiqeshin për ta kontrolluar, dhe si pasojë e zjarreve janë shkatërruar mbi 34 mijë hektarë tokë.
Kurse në Mbretërinë e Bashkuar këtë javë temperaturat kanë arritur në 40 gradë Celsius, kështu duke shënuar temeperaturat më të larta në histori, transmeton euronews.
Por, Dr Friederike Ott, pedagoge e vjetër në shkencën e klimës në Institutin Grantham për Ndryshimet Klimatike dhe Mjedisin në Mbretërinë e Bashkuar, ka thënë që kjo po ndodh për shkak të ndryshimeve klimatike.
“Unë mendoj se mund të themi me shumë besim se çdo valë e nxehtë që po ndodh është bërë më intensive dhe më e mundshme për shkak të ndryshimeve klimatike,” është shprehur ajo.
Ndërsa në Spanjë, një burrë kishte mbetur i bllokuar në një zjarr i cili ishte arratisur me rrobat e tij të ndezura pasi kishte bërë përpjekje ta parandalonte zjarrin që të arrinte në qytetin Tabara.
Në Portugali, gjysma e komunës së Murca-s ishte përfshirë nga zjarri, trupat e një çifti të moshuar që përpiqeshin të iknin ishin gjetur brenda një “makine plotësisht të djegur”, ka thënë kryebashkiaku për transmetuesin lokal SIC.