Në një njoftim të LDK-së në rrjetin social Facebook, thuhet se Abdixhiku vizitën e parë në diasporë e ka filluar në Zvicër.
LDK do të riorganizohet, ka thënë Abdixhiku duke shtuar se ”në Konventën Programore ‘Lidhja për të Ardhmen’, ciklin e takimeve, siç është ky i sotmi, procesin e regjistrimit të anëtarësisë, pastaj procesin zgjedhor në Forum të Gruas dhe Forum Rinor si dhe zgjedhjet e parakohshme në 11 degë’’.
Sipas të parit të LDK-së, të gjitha këto aktivitete janë në funksion të ringritjes së mëtejme të LDK-së.
Sipas Abdixhikut, në platformën politike “Lidhja për të Ardhmen”, vend të merituar do të zërë mërgata.
Ai ka shtuar se mërgata si në të kaluarën, po ashtu edhe tani, ka rol thelbësor në përmbylljen e misionit historik për Kosovën.
I pari i LDK-së para mërgatës në Zvicër ka thënë se Republika e Kosovës, sot, udhëhiqet nga mosbesues të saj, të cilët janë peng të popullizmit, arrogancës së pushtetit, që i ka krejt e nuk jep asgjë për qytetarët.
Kurse për rolin dhe qasjen e qeverisë Kurti, Abdixhiku ka thënë ”ky pushtet popullist ka lëkundur themelet e aleancave të ndërtuara në dekada’’.
