Gazetarja e RTV Dukagjinit, Anduena Bajqinofci, e cila është duke raportuar nga Mitrovica e Veriut, ka thënë se mediat nuk janë duke u lejuar për ta kryer punën e tyre.
Ajo ka thënë se nuk janë duke u lejuar që të marrin pamje brenda vendvotimeve, madje ajo ka thënë se pamje nuk po lejohen të merren as nga jashtë, pasi personat përgjegjës për këtë pikë janë përplasur me mediat.
Zgjedhjet e Jashtëzakonshme Lokale në veri të Kosovës po zhvillohen sot më 23 prill, pasi kryetarët e komunave në Zveçan, Mitrovicë të Veriut, Leposaviq dhe Zubin Potok kishin dhënë dorëheqje.