Dëshmitari me numër 04739 e ka filluar dëshminë e tij në procesin ndaj ish-liderëve të UÇK-së në Gjykatën Speciale në Hagë. Dëshmia e tij do të mbahet në seancë të mbyllur.
Dëshmitari anonim do të dëshmojë për tri ditë rresht. Kjo nuk është hera e parë që seancat e Gjykatës Speciale mbahen të mbyllura për publikun.
Njohësit e çështjeve juridike në Kosovë vazhdimisht i kanë shprehur shqetësimet e tyre për mungesën e transparencës për publikun nga Gjykata Speciale.
Ish-krerët e UÇK-së po përballen me akuza për krime lufte gjatë luftës së fundit në Kosovë nga marsi i vitit 1998 deri në shtator 1999.