Nga e premtja e 28 tetorit deri të dielën më 30 tetor, do të vazhdojë testimi i radhës i shndërrimit të gjithë unazës qendrore të kryeqytetit të Kosovës, Prishtinës në qarkore njëkahëshe për automjetet.
Lajmin e ka bërë të ditur Komuna e Prishtinës përmes një postimi në Facebook.
Qarkorja njëkahëshe gjatë këtyre ditëve do të jetë funksionale në drejtim të rrugëve:
– Rruga “Agim Ramadani”që nga semaforët pranë ish-menzës së Studentëve e deri te rreth-rrotullimi prapa ndërtesës së Komunë
– Rruga “UÇK” nga Parlamenti e deri te ish-Kino Rinia.
– Rruga “Migjeni” deri te ndërtesa e ish-OSBE
– Rruga “Luan Haradinaj” deri te semaforët pranë Bankës Qendrore
– Rruga “Ukshin Hoti”
– Rruga “Robert Dolli”
Ndërkaq, bëhet e ditur se rruga “George Bush” deri tek semaforët pranë Katedrales dhe rruga “Garibardi” deri tek semaforët pranë rrugës ”Dritan Hoxha” do të jenë të mbyllura për automjete, me përjashtim të transportit publik, i cili do të qarkulloj në këtë pjesë me shpejtësi minimale të lëvizjes.