Sulmuesi Neymar ka gjasa të mëdha që t’i bashkohet Manchester Cityt në fund të këtij sezoni, ka raportuar “The Sun” të martën.
Braziliani pritet të largohet nga Paris Saint-Germaini në verë dhe është gati për ta vazhduar karrierën në Angli.
Madje, mësohet se Neymar po preferon kalimin te City përpara Chelseat, ekip që gjithashtu ka shprehur interesim për shërbimet e tij.
City është i gatshëm që për kartonin e Neymarit të paguajë deri në 70 milionë euro. 31-vjeçari ka kontratë me PSG-në deri në vitin 2025, me opsionin e vazhdimit edhe për një vit tjetër, ndërsa është pjesë e klubit prej vitit 2017.
Këtë sezon, Neymar ka 18 gola e 17 asistime në të gjitha garat për Parisin.