Sistemi ETIAS do të nisë nga muaji maj i vitit 2023 që do të thotë se për të hyrë në Evropë duhet të bëhet një pagesë 7 euro, njofton BE.
ETIAS nuk kërkon informacion biometrik dhe është një procedurë që ka një kosto.
Ndërkohë me sistemin ETIAS, grupmosha nga 18-70 vjeçar duhet të paguajë 7 euro për të udhëtuar drejt BE-së.
Sistemi ETIAS do të ketë ndikim në 60 shtete, përfshirë Shtetet e Bashkuara dhe Britaninë e Madhe. Procesi i aplikimit do të bëhet përmes një sistemi automatik me aprovim të garantuar brenda pak minutash.
Koha maksimale që duhet pritur për aprovim mund të jetë një muaj, ndërsa nëse aplikacioni refuzohet, është e drejta për të apeluar.
ETIAS është i vlefshëm për një numër të pakufizuar hyrjesh për tre vjet.
Dokumentet e duhura për një qytetar shqiptar për të marrë ETIAS
Një pasaportë e vlefshme për të paktën tre muaj nga data kur udhëtari planifikon të hyjë në zonën Shengen. Nëse pasaportave u kanë mbetur më pak se tre muaj, rekomandohet të merrni një pasaportë të re përpara se të aplikoni për ETIAS.
Një formë e vlefshme pagese për të paguar tarifën e aplikimit janë një kartë krediti ose debiti. Një emaili për të marrë njoftime në lidhje me statusin e ETIAS të aplikantit.
Sapo të plotësohen të gjitha këto kërkesa, udhëtarët mund të vazhdojnë me aplikimin e tyre ETIAS.
Procesi i aplikimit të ETIAS për qytetarët shqiptarë
Aplikimi do t’u kërkojë udhëtarëve disa detaje personale, duke përfshirë: Emri i plotë, data e lindjes, gjinia, kombësia, informacion për pasaportën, (Numri, data e lëshimit, data e skadimit) dhe informacioni i kontaktit (adresa e shtëpisë, numri i telefonit)