Ka nisur edhe zyrtarisht “episodi i 24-të” i tentativave të vazhdueshme të seancës konstituive të Kuvendit të Kosovës. Deputetët e rinj të zgjedhur me 9 shkurt po tentojnë të konstituojnë Kuvendin, ku seanca ka mbetur në pikën e tretë ku votohet komisioni ad hoc për verifikimin e mandateve të deputetëve.
“Në sallë gjenden 96 deputetë andaj edhe e hapim këtë seancë”, njoftoi Avni Dehari, kryesues i seancës konstituive.
Tash e disa herë po tentohet zhbllokimi i situates por pa sukses.
Në seancën e 29 majit, deputetët refuzuan të votonin për të disatën herë formimin e një komisioni për votimin e fshehtë për kryeparlamentar, propozuar nga kryesuesi i seancës, Avni Dehari, pas dështimit të njëpasnjëshëm të Albulena Haxhiut për t’u zgjedhur kryeparlamentare.
Votimi i fshehtë është kundërshtuar nga partitë që ishin në opozitë në legjislaturën e kaluar, e këtë edhe e kanë dërguar në Gjykatë Kushtetuese.