Ministria e Shëndetësisë, sipas të dhënave të IKSHPK-së ka njoftuar se brenda 24 orëve të fundit një person ka humbur jetën dhe 860 raste pozitive me COVID-19 në Kosovë.
Numri i rasteve aktive është 6 mijë e 925, ndërsa numri i të shëruarve është 1 mijë e 155.
Me dozën e parë të vaksinës janë vaksinuar 904 mijë e 7 qytetarë, me dozën e dytë të vaksinës janë vaksinuar 824 mijë e 313 qytetarë, me dozën e tretë të vaksinës janë vaksinuar 104 mijë e 801 qytetarë, me dozën e katërt të vaksinës janë vaksinuar 1 mijë e 592 qytetarë ndërsa gjatë 24 orëve të fundit janë vaksinuar 60 të tjerë.
Ministria e Shëndetësisë ka aprovuar ditë më parë dhënien e dozës së tretë të vaksinës kundër COVID-19 edhe për personat mbi 12 vjeç. Në këtë grup përfshihen personat që kanë marrë dozën e dytë të vaksinës kundër COVID-19 së paku pesë muaj më parë.
Të martën e 28 qershorit Ministria e Shëndetësisë iu ka bërë thirrje qytetarëve të marrin vaksinën përforcuese.
