Policia e Kosovës ka publikuar statistikat e përgjithshme për 24 orët e fundit, duke evidentuar një situatë të rënduar në trafikun rrugor.
Gjatë kësaj periudhe është shënuar një aksident me fatalitet, ndërsa 24 persona janë lënduar në aksidente të tjera. Po ashtu, janë regjistruar 32 aksidente me dëme materiale, duke e çuar numrin total të aksidenteve në 57 brenda një dite.
Në kuadër të kontrollit rrugor, policia ka shqiptuar gjithsej 2,227 tiketa trafiku për shkelje të ndryshme të rregullave në komunikacion.
Sa i përket veprimeve policore, janë arrestuar 21 persona, prej të cilëve 10 janë dërguar në mbajtje, ndërsa 2 kanë filluar vuajtjen e dënimit. Policia e Kosovës apelon për kujdes të shtuar në trafik dhe respektim të rregullave, me qëllim të parandalimit të aksidenteve me pasoja fatale.