Një person ka raportuar se është kërcënuar nga persona të panjohur, sipas tij për motive politike.
Rasti ka ndodhur të shtunën e 27 janarit në Leposaviq, ku në xhamin e veturës së viktimës janë shkruar fjalë kërcënuese në gjuhën serbe.
Viktima ka pohuar të ketë pasur thirrje telefonike anonime që e kanë kanosur me jetë.
Në raportin 24-orësh të policisë thuhet se rasti po hetohet nga njësitet policore.
“Viktima mashkull s/kosovar ka raportuar se persona të panjohur në xhamin e veturës së tij, në gjuhën serbe i kanë shkruar (fjalë kërcënuese). Sipas viktimës kjo ka ndodhur për motive politike, pasi që viktima deklaron se ka pasur edhe thirrje telefonike anonime që e kanë kanosur me jetë. Rasti është duke u hetuar nga njësitet relevante policore”, thuhet në raport.