Gjykata Themelore në Ferizaj ia ka caktuar masën e paraburgimit në kohëzgjatje prej një muaji ndaj të dyshuarës për kryerjen e veprës penale “Lëndim i lehtë trupor”.
E pandehura, të hënën, i ka shkatuar lëndime të lehta trupore (me thikë) babait të saj pas një fjalosjeje verbale në mes tyre.
Lexo më shumë: Vajza ther me thikë babain e saj në Shtime
“E njëjta kishte kërkuar nga i dëmtuari ta ndërpresë telefonatën me vajzën e tij, e pandehura bëhet nervoz dhe e godet të dëmtuarin në anën e djathtë në pjesën e gjoksit, me një thikë-mjet, me të cilin mund t`i shkaktojë lëndime të rënda trupore ose dëmtim të rëndë të shëndetit, e pasi del në oborr dhe e godet me gurë në pjesë të trupit, i dëmtuari ka marrë tretman mjekësor dhe posedon raport mjekësor nga QKMF në Shtime”, ka njoftuar Gjykata Themelore në Ferizaj.
Me këtë rast, palët njoftohen se ankesa kundër këtij aktvendimi nuk e shtyn ekzekutimin e tij.
“Më datë 06.05.2024 rreth orës 21:40, policia e Shtimes ka pranuar një informatë se në Shtime është një rast i lëndimit trupor. Pas një mosmarrëveshje, dy persona kanë marrë lëndime të lehta trupore, ndërsa dyshohet se njëri person është lënduar me mjet të mprehtë-thikë nga vajza e tij. Palët e involvuara në rast janë dërguar për tretman mjekësor në qendrën emergjente ne Shtime. Lidhur me rastin është kontaktuar dhe njoftuar prokurori kujdestar dhe me urdhrin e tij e dyshuara ndalohet për 48 orë dhe dërgohet në qendrën e ndalimit Ferizaj”, kishte thënë zëdhënësi i policisë për rajonin e Ferizajt, Kanun Veseli, lidhur me rastin për Dukagjinin.