Një prokuror i Shtetit ka njoftuar policinë se nga persona të panjohur në korridorin brenda banesës së tij i është vjedhur portofoli me dokumente personale dhe dy palë çelësa të banesës së tij.
Në raportin 24-orësh të Policisë së Kosovës, është bërë e ditur se rasti ka ndodhur të enjten rreth orëve 17:30-21:00 në rrugën “Bardhyl Qaushi”, në Prishtinë.
Po ashtu, sipas policisë, nuk raportohet për të arrestuar dhe rasti është në hetime.
“Ankuesi mashkull kosovar (prokuror i shtetit) ka njoftuar policinë se nga persona të panjohur në korridorin brenda banesës së tij i është vjedhur portofoli me dokumente personale dhe dy palë çelësa të banesës. Nuk raportohet për të arrestuar. Rasti në hetime”, thuhet në raportin 24-orësh të policisë.