Në magjistralen Ferizaj-Kaçanik, të dielën në orën 05:50, një shtetase e Shqipërisë është arrestuar pas një incidenti në trafik.
Sipas njoftimit të Policisë, shtetasja shqiptare dyshohet se ka fyer dhe ka sulmuar fizikisht zyrtarët policorë.
Ngjarja ka ndodhur kur zyrtarët policorë kanë ndaluar shtetasen pasi kishte shkaktuar kundërvajtje në komunikacion rrugor.
Njëri nga zyrtarët ka pësuar lëndime dhe ka marrë tretman mjekësor.
“Është arrestuar e dyshuara shtetase e Shqipërisë, pasi e njëjta ka fyer dhe sulmuar fizikisht zyrtarët policorë, të cilët e kanë ndaluar pasi kishte shkaktuar kundërvajtje në komunikacion. Lidhur me rastin, si pasojë njëri nga viktimat ka pranuar tretman mjekësor”, ka njoftuar Policia e Kosovës.
Pas intervistimit, me vendim të prokurorit, shtetasja shqiptare e arrestuar është liruar në procedurë të rregullt.