Sipas informatave të REL-it nga terreni, rrugët janë bllokuar në Rudarë të komunës së Zveçanit, si dhe në komunën e Leposaviqit.
Sipas burimeve të RTV Dukagjinit, ishin në plan që me datën 16 dhjetor, përkatësisht dy ditë para zgjedhjeve në Veri të vendoseshin barrikada mirëpo, plani ka ndryshuar dhe tashmë rruga në Rudarë është bllokuar.
Ekipet e gazetarëve të RTV Dukagjini-it që po raportojnë nga vendngjarja bëjnë të ditur se një tjetër kamion është nisur në drejtim të Rudarit.
Po ashtu, në Mitrovicën e Veriut dhe në Rudarë janë dëgjuar sirenat.