Kryeministri në detyrë i Kosovës, Albin Kurti, ka përshëndetur njohjen e pavarësisë së Kosovës nga Sudani.
Ai këtë veprim të Sudanit e ka quajtur si një miqësi më shumë për qytetarët dhe shtetin e Kosovës.
”Shtetit tonë iu shtua edhe një njohje e re e popullit tonë një miqësi më shumë. E mirëpresim njohjen nga shteti i Sudanit, e cila vjen disa javë pas asaj nga Kenia. Vendosja e marrëdhënieve diplomatike mes dy shteteve tona shpresojmë të zgjerohet dhe fuqizohet më tej”.
”Urime qytetarëve të Republikës sonë dhe faleminderit Presidentit të Sudanit për këtë vendim të rëndësishëm për marrëdhënien mes dy vendeve tona, si dhe Presidentes sonë për angazhimin e saj e miqve dhe partnerëve tanë për mbështetjen e vazhdueshme”, ka shkruar Kurti në Facebook.