Ish presidenti dhe ish-ministri i Jashtëm, Behgjet Pacolli, ka reaguar pas njohjes zyrtare të pavarësisë së Kosovës nga Sudani, duke e cilësuar këtë zhvillim si një lajm jashtëzakonisht të rëndësishëm për vendin.
Pacolli përmes një postimi në Facebook ka thënë se kjo njohje vjen si vazhdimësi e një vale të re mbështetjeje për Kosovën, e cila u nxit nga njohja e fundit nga Kenia – një prej shteteve më të fuqishme në kontinentin afrikan.
“Ashtu siç e paralajmëruam, njohja nga Kenia si një nga shtetet më të fuqishme në kontinentin afrikan, nxit një valë njohjesh për vendin tonë. Njohja nga Sudani është lajm fantastik. Urime Kosovë!”, ka shkruar Pacolli.
Tutje Pacolli ka përgëzuar Presidenten Vjosa Osmani, për angazhimin dhe punën e saj në kuadër të Forumit Diplomatik në Antalia, ku po zhvillon takime të ndryshime.
“E përgëzoj edhe Presidenten Osmani për punën e saj që po zhvillon në Antalia. Urime Kosovë!”, ka shkruar Pacolli.