Në emisionin ‘Dueli Sportiv’ në RTV Dukagjini vazhdon të diskutohet rreth situatës së fundit të futbollistit, Edon Zhegrova, te Kombëtarja e Kosovës.
Gjatë një momenti kur ishte duke folur aktori, Kushtrim Qerimi, reagoi analisti, Faruk Statovci.
E, kjo gjë nuk i pëlqeu aspak Sokolit, i cili iu drejtua me ton të ashpër Statovcit.
”Çka ka lidhje tash kjo me teatër? Pse po ofendon njerëz këtu edhe Kreshën kështu e ke ofendu. Çdo mysafir po e ofendon,” tha ai.
Teksa, Statovci u kundërpërgjigj duke thënë se Sokoli nuk mund të thirret në cilësinë e profesorit, gjatë kohës kur është pjesë e një emisioni.
”Nuk je profesor këtu se nuk jam në fakultet këtu, në studio jam. Nuk je në cilësinë e profesorit, por të analistit. Këtu je i barabartë me mua,” tha ai.
Më poshtë mund të shikoni videon nga momenti i përplasjes së ashpër.