Policia e Kosovës njofton se në vazhdën e zbatimit të operacionit policor të realizuara më herët gjatë 30 marsit, 5 prillit e 4 majit, operacioni ka vazhduar edhe sot.
Gjatë zbatimit të operacionit më herët, ishin gjetur e konfiskuar rreth 36 kg marihuanë dhe ishin arrestuar tre të dyshuar.
“Sot, më 12.05.2023, në vazhdën e zhvillimit të operacionit policor ‘Guri’, i zhvilluar në
koordinim me organet e drejtësisë (prokurorinë), janë kontrolluar 11 lokacione, ku si provë
materiale janë gjetur dhe konfiskuar rreth 12 kg substancë narkotike (dyshohet të jetë
marihuanë), 3467 euro, 12.700 lekë (paratë dyshohet janë përfituara nga vepra penale) dhe tri vetura me të cilat është bërë bartja e lëndës narkotike. Vlen të ceket se gjatë kontrolleve, në njërin nga lokacionet, një i dyshuar, në tentim për të ikur ka kërcyer nga një lartësi e shtëpisë dhe ka pësuar lëndime. I njëjti është dërguar për tretman mjekësor”, thuhet në komunikatën për media.
Në tri operacionet e më hershme dhe në këtë të ditës së sotme janë konfiskuar rreth 48 kg
substancë, janë arrestuar nëntë të dyshuar të cilët dyshohet se kanë vepruar si grup kriminal që është marrë me ‘blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’.