Sulmi ndaj automjeteve të Policisë së Kosovës i së martës së 26 prillit është dënuar edhe nga Misioni i OSBE-së në Kosovë.
OSBE nëpërmjet një postimi në rrjetin social Twitter, ka kërkuar që autorët e këtij akti të vihen para drejtësisë.
“Dënojmë sulmin e fundit ndaj Policisë së Kosovës dhe u bëjmë thirrje institucioneve përkatëse ta hetojnë atë”.
”Sundimi i ligjit duhet të respektohet nga të gjithë dhe përgjegjësit të sillen para drejtësisë, ndërsa mesazhet publike duhet të zbusin tensionet dhe të inkurajojnë komunikim më të mire”, thuhet në reagimin e OSBE-së.
We condemn the latest attack on the @Kosovo_Police and call on relevant institutions to investigate it.
Rule of law must be respected by all and those responsible brought to justice, while public messages should defuse tensions and encourage better communication.
— OSCE Kosovo (@OSCEKosovo) April 26, 2022
Paraditën e 26 prillit është sulmuar Policia e Kosovës në fshatin Zupçe të Zubin Potokut.
Nuk është raportuar për ndonjë zyrtar të lënduar, por vetëm dëme materiale në automjet zyrtare.
