Presidentja e vendit, Vjosa Osmani, ka shprehur mbështetjen e vendit ndaj Shteteve të Bashkuara dhe presidentit Donald Trump për veprimet e tyre kundër regjimit të “narko-terrorit” në Venezuelë.
“Presidenti Trump qëndroi me popullin e Venezuelës dhe iu kundërvu narko-shtetit të Maduros — duke mbrojtur Amerikën dhe pjesën tjetër të botës nga kartelet dhe krimi i organizuar. Ja si duket forca dhe lidershipi amerikan. Populli venezuelian meriton liri, demokraci dhe një të ardhme të qeverisur nga ligji, jo nga frika. Narko-terrorizmi dhe sundimi autoritar kërcënojnë paqen përtej kufijve kombëtarë”, ka shkruar Osmani në X.
Osmani, mes tjerash, lidh drejtpërdrejt historinë e Kosovës me qëndrimin amerikan sot teksa shton se Kosova qëndron me krenari përkrah Amerikës, njofton Dukagjini.
“Kosova e kupton ndikimin e vendosmërisë amerikane — çlirimi ynë është një dëshmi e kësaj. Në një moment kur SHBA-të po përballen me tiraninë në Venezuelë, të gjithë duhet ta përforcojmë këtë qëndrim, sepse komuniteti transatlantik është më i fortë kur bashkohet pas lidershipit amerikan dhe vlerave të përbashkëta. Kur Amerika udhëheq, ne qëndrojmë me krenari së bashku — sepse liria jonë kolektive varet prej saj”, ka shkruar Osmani.
Kosovo stands firmly with the United States and President @realDonaldTrump in support of its actions against Venezuela’s narco-terror regime.
President Trump stood with the people of Venezuela and stood up to Maduro’s narco-state — protecting America and the rest of the world…
— Vjosa Osmani (@VjosaOsmaniPRKS) January 3, 2026