Presidentja e Kosovës, Vjosa Osmani, e shoqëruar nga bashkëshorti Prindon Sadriu, kanë bërë homazhe për Mbretëreshën e Britanisë së Madhe, Elizabeth II, e cila ka vdekur në moshën 96-vjeçare më tetë shtator, duke u njohur kështu si monarkja më jetëgjatë në historinë britanike.
Osmani të shtunën e 17 shtatorit, është ftuar për të marrë pjesë në ceremoninë e varrimit të Mbretëreshës Elizabeth.
“Presidentja Kosovës, Vjosa Osmani Sadriu, e shoqëruar nga Zotëria i Parë, z. Prindon Sadriu, kanë bërë nderime para arkivolit të Mbretreshës Elizabeth II, në Westminster Hall në Londër”, thuhet në njofitmin e zyrës së presidencës.
Lajmin e ka bërë të ditur edhe vetë presidentja Osmani përmes një postimi në llogarinë e saj në Twitter, ku ka thënë se Kosova i bashkohet popullit të Mbretërisë së Bashkuar për të nderuar trashëgiminë e Mbretëreshës Elizabeth.
“Sot i kemi bërë nderimet tona LS mbretëreshës së ndjerë para arkivolit te saj të shtrirë në Ëestminster Hall në Londër. Ne u bashkohemi kolegëve të tjerë dhe popullit të Mbretërisë së Bashkuar për të nderuar trashëgiminë e saj të një jete të tërë përkushtuar ndaj shërbimit”, ka shkruar Osmani.
Today we paid our respects to the late HM Queen Elizabeth II at her lying-in-state in Westminster Hall in London.
We join fellow dignitaries and the people of the United Kingdom in honoring her legacy of a lifetime devoted to service. 🇽🇰🇬🇧 pic.twitter.com/yNwkUUFp3W
— Vjosa Osmani (@VjosaOsmaniPRKS) September 18, 2022
Osmani, të hënën do të jenë prezent në varrimin e Mbretëreshës Elizabeth II, e më pas në pritjen e organizuar nga Sekretari për Punë të Jashtme i Mbretërisë së Bashkuar, James Cleverly.
Gjatë qëndrimit në Londër, Presidentja Osmani do të takohet edhe me Kryetarin e Dhomës së Përfaqësuesve të Parlamentit Britanik, Sir Lindsay Hoyle.
Në mesazhin e saj ngushëllues për vdekjen e Mbretëreshës Elizabeth II, Presidentja Osmani e ka cilësuar monarken më jetëgjatë në historinë e Mbretërisë së Bashkuar, frymëzim për brezat që vijnë dhe në të njëjtën kohë duke ngushëlluar popullin e Mbretërisë së Bashkuar, ka potencuar se ai i ka ardhur në ndihmë Kosovës në ditët më të errëta.
Ndryshe, Mbretëresha mbretëroi për 70 vjet, duke shërbyer si një fener stabiliteti në një kohë të trazuar. Vdekja e saj ka shkaktuar një pikëllim të madh në Britani për monarken 96-vjeçare, e cila mbretëroi për 70 vjet.
Ajo vdiq në Rezidencën Mbretërore, Balmoral, shtëpinë e saj të dashur verore në malësitë skoceze. Shumë nga katër fëmijët e saj, tetë nipërit dhe 12 stërnipërit e saj ishin në Balmoral, duke përfshirë djalin e saj Princin Charles, trashëgimtarin e fronit.
Si Mbretëresha e Mbretërisë së Bashkuar dhe 14 mbretërive të tjera, dhe krysuesja e Komonuelthit prej 54 vendesh, Elizabeth II ishte lehtësisht përfaqësuese e shtetit më i njohur në botë, gjatë një mbretërimi jashtëzakonisht të gjatë.
Dalja e saj e fundit publike ishte të martën, kur mbretëresha, duke buzëqeshur dhe duke mbajtur një shkop ecjeje, përshëndeti Liz Truss, kryeministren e re të Britanisë, në dhomën e pritjes në Balmoral.
Mbretëresha Elizabeth II, monarkja më jetëgjatë e Britanisë, vdes në moshën 96-vjeçare