Presidentja Vjosa Osmani është duke marrë pjesë në ceremoninë hapëse të Lojërave Olimpike 2024 në Paris.
Nga atje, Osmani, përmes një videoje në Facebook, ka thënë se janë duke e mbështetetur ekipin më të mirë të Lojërave Olimpike, ekipin e Kosovës.
“Jemi këtu për t’i dhënë mbështetjen e nevojshme ekipit të Kosovës. Ekipit më të mirë nga të gjitha ekipet që po marrin pjesë në Lojërat Olimpike. Një ekip i jashtëzakonshëm, i përgatitur, që kanë punuar ditë e natë që të na përfaqësojnë më mënyrë më të mirë të mundshme… presim një përfaqësim të dinjetishëm që siç kanë bërë gjithnjë sportistët tanë”, ka thënë Osmani.
Më herët Osmani është pritur nga presidenti i Francës, Emmanuel Macron në Pallatin Elysee.