“Gjithçka që ka të bëjë me Amerikën është e mirë”.
Kështu ka deklaruar presidentja e Kosovës, Vjosa Osmani, para takimit që tashmë ka nisur në Ambasadën amerikane ku do të diskutohet për çështjen e Asociacionit.
Ndryshe, në Ambasadën amerikane në Prishtinë po mbahet takimi, në të cilin, do të diskutohet për Asociacionin e komunave me shumicë serbe, ndërsa të ftuar janë zyrtarë nga Presidenca, zyrtarë qeveritarë, liderë partiakë, diplomatë dhe anëtarë të shoqërisë civile.
Ambasada e ShBA-ve në Kosovë, përmes një postimi në Twitter, ka njoftuar se gjithçka është gati që të nisë takimi ku do të diskutohet për themelimin e Asociacionit të Komunave me Shumicë Serbe.
“Sot në mëngjes, Ambasada e SHBA-së në Prishtinë do të mbajë një takim për Asociacionin e Komunave me shumicë Serbe në Kosovë. Ne mezi presim të dëgjojmë perspektiva të menduara nga një grup i ndryshëm liderësh të shoqërisë civile, zyrtarë qeveritarë dhe liderë politikë”, thuhet në njoftimin e Ambasadës.