Presidentja e Kosovës, Vjosa Osmani, ka pritur në takim shefin e EULEX-it, Lars-Gunnas Wigemark.
“Në takim u diskutua për zhvillimet e fundit në sektorin e sigurisë, si dhe për bashkëpunimin me EULEX-in në suaza të mandatit aktual të këtij misioni”, njofton Presidenca.
Presidentja Osmani ka falënderuar EULEX-in për bashkëpunimin me Policinë e Kosovës, sa i përket sigurisë përgjatë procesit zgjedhor në komunat në veri të Republikës së Kosovës.
“Ajo potencoi se veprimet e Serbisë para 23 prillit, si dhe në ditën e zgjedhjeve, dëshmojnë ndërhyrje të paligjshme të Serbisë në zgjedhjet e Republikës së Kosovës nëpërmjet metodave të kërcënimeve e dhunës ndaj serbëve lokalë në komunat veriore”, thuhet tutje në njoftim.
Sipas Osmanit, një veprim i tillë është jo vetëm në kundërshtim me marrëveshjet e Brukselit, por edhe me normat e aplikueshme juridike ndërkombëtare.