Presidentja e Republikës së Kosovës, Vjosa Osmani-Sadriu, do ta presë në takim kryeministrin në detyrë të Malit të Zi, Dritan Abazoviq, të shtunën.
Lajmin e ka bërë të ditur Zyra e Presidentes, gjersa thuhet se takimi pritet të nisë nga ora 10:00.
“Në orën 10:00, Presidentja e Republikës së Kosovës, Vjosa Osmani pret në takim kryeministrin në detyrë të Malit të Zi, Dritan Abazoviq. Mediat fillimisht do të marrin pamje nga pritja para ndërtesës së Kuvendit, dhe më pas pamje do të ketë edhe në fillim të takimit. Luten mediat e interesuara për ta përcjellë takimin, që të jenë në Presidencë më së voni në orën 09:40”, thuhet në njoftim.
Takimi do të zhvillohet në kabinetin e presidentes.
Gjatë së premtes, Abazoviq u takua edhe me kryeministrin Kurti dhe liderët opozitarë.