Presidentja e Kosovës, Vjosa Osmani, e ka uruar për fitoren presidenten e re të zgjedhur të Maqedonisë së Veriut.
Në një postim në llogarinë e saj në “X”, Osmani ka thënë se mezi pret të punojë me presidenten e re të zgjedhur të Maqedonisë së Veriut, Gordana Silanovska-Davkova.
Ajo ka theksuar se Kosova dhe Maqedonia e Veriut gëzojnë marrëdhënie të shkëlqyera fqinjësore dhe ndajnë një angazhim të fortë për integrimin euroatlantik.
“Urime për fitoren e saj zgjedhore në Maqedoninë e Veriut dhe për t’u bërë presidentja e parë grua e vendit. Kosova dhe Maqedonia e Veriut gëzojnë marrëdhënie të shkëlqyera fqinjësore dhe ndajnë një angazhim të fortë për integrimin euroatlantik. Mezi pres të punoj me presidenten e zgjedhur për të arritur këtë qëllim të përbashkët dhe për t’i thelluar më tej marrëdhëniet”, shkroi ajo.
Congratulations to @gogamkd on her electoral victory in North Macedonia, and for becoming the country’s first woman president.
Kosovo and North Macedonia enjoy excellent neighborly relations and share a strong commitment to Euro-Atlantic integration. I look forward to working…
— Vjosa Osmani (@VjosaOsmaniPRKS) May 9, 2024
Silanovska-Davkova, më 8 maj, fitoi zgjedhjet presidenciale kundër presidentit të deritanishëm, Stevo Pendarovski.
Ajo u bë gruaja e parë që zgjidhet presidente në Maqedoni të Veriut.