Pacienti për të cilin dyshohej se mund të ketë qenë i infektuar me virusin e “Lisë së Majmunëve”, ka rezultuar negativ.
Këtë e ka bërë të ditur Ministria e Shëndetësisë dhe Instituti Kombëtar i Shëndetësisë Publike, të cilët kanë thënë se e kanë marrë rezultatin nga Laboratorët e Holandës.
“Ministria e Shëndetësisë dhe Instituti Kombëtar i Shëndetësisë Publike njoftojnë se mostra e pacientit kosovar të dyshuar në Linë e majmunëve, e dërguar për testim në Laboratorët e Holandës ka rezultuar negativ”, thuhet në njoftim.
Msh-ja dhe IKSHPK, u kanë bërë thirrje qytetarëve të kenë kujdes në zbatimin e masave për parandalimin e sëmundjeve ngjitëse.
“IKShPK është njoftuar sot nga laboratorët respektivw të këtij shteti, që kjo mostër ka rezultuar negativ dhe rasti në fjalë nuk ka rezultuar të jetë i prekur nga Lia e majmunëve. MSh dhe IKSHPK rekomandojnë qytetarët që përkundër situatës së qetë dhe stabile epidemiologjike në vend, të jenë të kujdesshëm në zbatimin e masave preventive kundër sëmundjeve ngjitëse dhe të vaksinohen kundër COVID-19”, thuhet në njoftim.
Me datën tre qershor, IKSHPK kishte pranuar një raportim për një rast të dyshimtë me Linë e majmunëve (Monkeypox), për një pacient mashkull (1953) nga komuna e Dragashit, i hospitalizuar në këtë klinikë, dhe të cilit i ishte marrë mostra nga ndryshimi lëkuror për t’u dërguar për analiza laboratorike në Holandë.
Gjendja shëndetësore e pacientit të dyshuar me Linë e Majmunit është stabile