Ambasadori i Pakistanit në BE ka bërë thirrje për një konferencë ndërkombëtare të donatorëve për të ndihmuar vendin si pasojë e përmbytjeve.
Pakistani ka nevojë për një konferencë ndërkombëtare të donatorëve për ta ndihmuar atë të përballet me dëmet e shkaktuara nga përmbytjet e fundit, ka thënë kryediplomati i vendit në Bashkimin Evropian.
Përmbytjet kanë goditur rëndë Pakistanin, duke zhvendosur pothuajse një milion njerëz dhe duke shkaktuar gati 10 miliardë euro dëme që nga mesi i qershorit.
Ndërkaq, kryeministri i Pakistanit Shehbaz Sharif i ka kërkuar komunitetit ndërkombëtar për “mbështetje serioze dhe të sinqertë”, pasi një pjesë e madhe e infrastrukturës është shkatërruar, euronews.
Kombet e Bashkuara kanë vlerësuar dëmet dhe kanë thënë se do të nevojiten afro 160 milionë euro fonde emergjente. Dhe në shenjë solidariteti, sekretari i përgjithshëm i OKB-së Antonio Guterres ka thënë se do të vizitojë javën e ardhshme Pakistanin.