Ka vdekur një 35-vjeçar si pasojë e një aksidenti në Çagllavicë, të enjten në ora 04:40 të mëngjesit.
Lajmin për Portalin Dukagjini e ka konfirmuar Flora Ahmeti, zëdhënëse e Policisë së Kosovës për rajonin e Prishtinës. Kjo e fundit ka thënë se automjeti i përfshirë ishte një me targa të huaja.
“Rreth orës 04:40 kemi pranuar informatën se në Çagllavicë, ka ndodhur një aksident trafiku me pasoja fatale. Në këtë aksident ka qenë i përfshië një automjet (me targa të huaja). Si pasojë e aksidentit lëndime të rënda trupore ka pësuar një person, i cili nuk kanë arritë të përballojnë plagët dhe i njëjti ka ndërruar jetë . Vdekjen e tij e ka konstatuar ekipi mjekësor në vendngjarje. Trupi i viktimës: A.A mashkull, 35 vjeç”, ka treguar Ahmeti.
Krahas kësaj, bëhet e ditur se trupi i të ndjerit është dërguar për obduksion në Institutin e Mjekësisë Ligjore, ndërkohë që me hetimin e rastit po merret njësiti i trafikut.