Papa Leo XIV ka deklaruar se nuk ka “asnjë synim për të debatuar” me presidentin amerikan Donald Trump, pas kritikave të këtij të fundit ndaj qëndrimeve të tij për luftën në Lindjen e Mesme.
Duke folur për mediat, Papa Leo XIV tha “unë nuk jam politikan”, duke shtuar se mesazhi i tij mbetet i njëjtë: promovimi i paqes.
Ai mbrojti deklaratat e mëhershme, ku i kishte bërë thirrje komunitetit ndërkombëtar t’i japë fund “çmendurisë së luftës” dhe kishte dënuar përdorimin e gjuhës fetare për justifikimin e konflikteve.
Në përgjigje, Trump e kishte quajtur Papën “të tmerrshëm”, duke shtuar se është “i dobët ndaj krimit dhe i dobët në politikën e jashtme”.
Papa Leo XIV theksoi gjithashtu se thirrjet e Vatikanit për paqe dhe pajtim bazohen në Ungjill dhe se ai nuk frikësohet nga administrata Trump.
Trump sulmon Papa Leonin: I dobët ndaj krimit dhe i tmerrshëm për politikën e jashtme