Parandalohen mallra të kontrabanduara në kufi me Serbinë, lirohen të dyshuarit

Policia e Kosovës dje gjatë realizimit të detyrave të tyre në brezin kufitarë me Serbinë, në dy raste të ndara ka ndaluar dy vetura që bartnin mall të kontrabanduar

Policia e Kosovës njofton se në dy raste të ndara janë ndaluar dy vetura që bartnin mall të kontrabanduar.

Kjo ka ndodhur kur zyrtarët policorë nga Drejtoria Rajonale e Policisë Kufitare – Lindje, dje gjatë realizimit të detyrave të tyre në brezin kufitar me Serbinë.

Rasti i parë ka ndodhur në rrugën Muçibabë – Pasjan, ku i dyshuari serb J.J, po voziste veturën me targa vendore. Gjatë kontrollit, në veturë janë gjetur 24 litra verë, 600 shishe birra dhe 260 shishe uji mineral dhe natyral.

Edhe rasti i dytë ka ndodhur dje në rrugën Muçibabë – Pasjan, ku njësitet e TASKFORCËS e DRPK Lindje, kanë vërejtur që nga territori i Serbisë për në territorin e Republikës së Kosovës po vinte një veturë, me të cilën, dyshohej se po kryhej kontrabandë me mall.

Policia ka ndaluar të dyshuarin serb M.S, i cili po voziste veturën me targa vendore. Gjatë kontrollit, në veturë janë gjetur dy paketa mish dhe 640 shishe me birra.

Lidhur me të dyja rastet është kontaktuar prokurori kujdestar, i cili ka rekomanduar që të dyshuarit të lirohen, ndërsa malli i lartshënuar së bashku me automjetet të dorëzohen në Terminalin Doganor.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika