Zëvendësministri i Jashtëm i Kosovës, Kreshnik Ahmeti, ka njoftuar se marrëdhëniet diplomatike me Palauin janë rikthyer pas pesë vjetësh.
“Pas pesë viteve, rikthehen marrëdhëniet diplomatike me Palaun”, ka shkruar Ahmeti në Facebook.
Ahmeti ka shpërndarë edhe një fotografi ku shihet ambasadori i Kosovës në Japoni, Sabri Kiçmari, me përfaqësuesin e Republikës së Palauit.
Republika e Palauit është shtet ishullor, i cili pozicionohet në pjesën perëndimore të Oqeanit Paqësor.
Republika e Palauit kishte njohur Kosovën më 6 qershor të vitit 2009, ndërsa në vitin 2019 kishte raportime se Republika e Palauit do ta shqyrtojë vendimin për njohjen e pavarësisë së Kosovës.