Policia e Kosovës ka njoftuar se të premten në orët e vona ka vdekur një person si pasojë e goditjes nga një veturë, e cila po lëvizte nga drejtimi i Gjakovës.
Policia ka bërë të ditur se viktima fillimisht kishte pësuar vetaksident derisa po kalonte në rrugën Gjakovë-Deçan, por më pas ka dalë nga vetura dhe duke e kaluar rrugën është goditur nga një veturë tjetër.
Ai është dërguar në Spitalin e Gjakovës, e më pas në QKUK në Prishtinë, ndërsa më vonë Policia ka njoftuar se ka ndërruar jetë.
Ndër të tjera, nga policia bëjnë me dije se trupi i viktimës është dërguar në IML për Obduksion dhe i dyshuari është dërguar në mbajtje për 48 orë.