Pas numërimit të votave, shqiptarët pa asnjë deputet në Kuvendin e Serbisë

Pas procedimit të 98,49 për qind të vendvotimeve për zgjedhjet parlamentare nga Komisioni Republikan i Zgjedhjeve në Serbi, shqiptarët nuk do të përfaqësohen në parlament.

Dy listat shqiptare që morën pjesë në zgjedhjet e fundit, nuk kanë arritur deri në votat e mjaftueshme që të kenë ulëse në Kuvendin e Serbisë.

Lista ”Koalicioni i Shqiptarëve” i Shaip Kamberit ka marrë deri më tani besimin e 0.26 për qind të qytetarëve, gjegjësisht 9 mijë e 651 vota, që do të thotë se nuk do të ketë asnjë deputet.

Gjithashtu, edhe lista tjetër ”Alternativa për Ndryshim” e kryesuar nga Shqiprim Arifi, ka marrë besimin e shumë pak votuesve, me 0.09 për qind apo 3 mijë e 273 vota, që do të thotë se do të mbetet jashtë Kuvendit.

Shaip Kamberi para disa ditësh pati deklaruar se shqiptarët synojnë të kenë së paku tre deputetë në Kuvendin e Serbisë.

Kamberi, gjithashtu pas rezultateve, ka reaguar përmes rrjeteve sociale duke kërkuar të përsëriten zgjedhjet në Luginën e Preshevës, pasi që sipas tij, ky proces nuk ishte i lirë dhe as demokratik.

Sipas Kamberit, zgjedhjet e 3 prillit në Serbi u karakterizuan me pjesëmarrje të ulët të votuesve shqiptarë.

”Pasivizimi i vendbanimeve të shqiptarëve që rezultoi me shlyerjen e tyre nga listat zgjedhore deligjitimoi procesin zgjedhor, sidomos në Luginën e Preshevës. Shumë shqiptarëve i është pamundësuar e drejta elementare. E drejta për të votuar. Kjo e bënë procesin zgjedhor jodemokratik. Zgjedhjet jo të lira”, ka thënë Kamberi.

Për procesin e zgjedhjeve në Serbi ka reaguar presidentja e Kosovës, Vjosa Osmani dhe eurodeputetja Viola von Cramon, ku kjo e fundit kishte thënë se zgjedhjet në Serbi nuk kanë qenë as të lira, as të drejta.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika