PDK: Shumë qytetarë që deri dje kërkonin vende pune, sot po kërkojnë viza për të ikur nga Kosova

Në reagimin e PDK-së, thuhet se Qeveria Kurti dhe deputetët e saj dëshmuan që janë kundër kërkesave të qytetarëve që po përballen me krizën ekonomike dhe ngritjen enorme të çmimeve

Llogoja e Partisë Demokratike të Kosovës(PDK)

Kritika të ashpra ndaj Qeverisë së Kosovës dhe deputetëve të Lëvizjes Vetëvendosje, ka pasur Partia Demokratike e Kosovës (PDK).

Reagimi i partisë më të madhe opozitare, ka ardhur si pasojë e mosmiratimit të Projektligjit i cili do të hapte rrugë për tërheqjen e 30%, të kursimeve pensionale nga qytetarët e Kosovës.

Kjo iniciativë, ishte nisur nga vetë kjo parti, e cila nuk morri votat e mjaftueshme për t’u miratuar në lexim të parë.

PDK, e ka cilësuar Qeverinë e Kosovës, si qeveri jokompetente dhe pa vizion.

“Në vend që të dilnin e të jepnin përgjegjësi para qytetarëve për gjendjen e rënduar që ka nxitur këtë nevojë për tërheqjen e një pjese të mjeteve nga TRUST-i, sot kryeministri i vendit foli në Kuvend se si qytetarët e Kosovës nuk duhet të pyeten për vendimet që duhet të merren për jetën e tyre”, thuhet në reagimin e PDK-së.

Në reagimin e tyre thuhet se miratimi i Projektligjit për Trustin, do t’i ndihmonte qytetarët ta kalonin më lehtë krizën ekonomike dhe rritjen e çmimeve.

“Rritja e çmimeve që ka shkaktuar kriza, bashkë me rritjen e çmimeve që qytetarëve ua ka imponuar qeveria, siç ishte rasti me ngritjen e çmimit të energjisë elektrike, e kanë bërë jetën në Kosovë vështirë të përballueshme. Prandaj, shumë qytetarë të vendit që deri dje kërkonin vende pune, sot po kërkojnë viza për të ikur nga Kosova”, thuhet në reagim.

Me 44 vota për, 57 kundër dhe vetëm një abstenim projektligji për Trustin nuk i ka marrë votat e mjaftueshme për miratim në lexim të parë nga deputetët e Kuvendit të Kosovës.

Për këtë temë, u zhvillua debat i gjerë, me akuza e kundërakuza në mes të përfaqësuesve të pozitës dhe opozitës.

Kategorikisht kundër këtij projektligji është shfaqur kryeministri i Kosovës, Albin Kurti, i cili ka thënë se një veprim i tillë do ta dëmtonte të ardhmen e qytetarëve të Kosovës.

Ndërkaq, deputetët e opozitës, thirreshin në pasojat e krizës ekonomike që ka ndikuar në vend.

Sipas tyre, kërkesa për tërheqjen e mjeteve nga Trusti, është kërkesë e qytetarëve dhe jo e tyre.

Me kërkesë për miratim të projektligjit për Trust, ishin mbajtur dy protesta para Kuvendit të Kosovës, ku kishin marrë pjesë qytetarë dhe pjesëtarë të partive politike opozitare.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika