Pele lufton për shërim në spital me familjen në krah

Pele, ylli i futbollit botëror do të qëndrojë i shtruar në një spital në Sao Paulo të Brazilit, për të pritur Vitin e Ri sepse gjendja e tij klinike është përkeqësuar

Legjenda e futbollit, Pele

Familja e legjendës braziliane të futbollit Pele është mbledhur në një spital në qytetin Sao Paulo, duke shkaktuar shqetësime për përkeqësimin e shëndetit të 82-vjeçarit.

Dy nga vajzat e tij kanë qenë pranë tij në spitalin “Albert Einstein” për pjesën më të madhe të kësaj jave, dhe të shtunën iu bashkua djali i tij Edinho, i cili erdhi nga Londrina, 540 kilometra larg, ku ai drejton ekipin e kategorisë së dytë.

Një nga vajzat e tij, Kely Nascimento, publikoi një fotografi në Instagram të premten vonë, ku ajo përqafon babanë e saj në shtratin e tij të spitalit me mesazhin: “Ne jemi ende këtu, duke luftuar me besim. Një natë tjetër bashkë.”

Edhe motra e saj Flavia Arantes do Nascimento ka postuar në rrjetet sociale foton ku shihet duke fjetur në një divan.

Edinho ka shpërndarë një foto të tij duke mbajtur dorën e babait të tij. “Babi … forca ime është e jotja,” ka shkruar ai.

Pele u shtrua në spital më 29 nëntor me komplikime të lidhura me kancerin e zorrës së trashë, i cili u diagnostikua për herë të parë në shtator 2021. Ai i është nënshtruar kimioterapisë që atëherë, por mjekët kanë dhënë pak detaje për gjendjen e tij.

Foto nga familja e tij të postuara në rrjete sociale

Ai gjithashtu ishte edhe me Covid-19 në fillim të këtij muaji, dhe mjekët thanë të mërkurën se kanceri kishte “përparuar dhe Pele kërkonte më shumë kujdes në lidhje me mosfunksionimet renale dhe kardiake”.

Pele është martuar tre herë dhe ka fëmijë të tjerë dhe nuk ishte e qartë se sa njerëz ishin në spital.

Megjithatë, lajmet që fëmijët e tij po bashkoheshin në spital, nxitën frikën se ai po i afrohej fundit të jetës.

Spitali nuk ka bërë asnjë koment për gjendjen e Peles që nga e mërkura. Tifozët nga e gjithë bota shkëmbyen kujtimet e lojtarit në internet të shtunën dhe debatuan për pozicionin e tij në panteonin e ikonave të futbollit.

Për pjesën më të madhe të karrierës së tij, Pele u mbajt gjerësisht si lojtari më i mirë i të gjitha kohërave, një status që u kontestua ashpër me ardhjen e Diego Maradona të Argjentinës në vitet 1980.

Paraqitjet e fundit nga Argjentinasi Lionel Messi, veçanërisht në sigurimin e titullit të parë të Kupës së Botës fundjavën e kaluar, e kanë ngritur gjithashtu statusin e tij.

Tifozët e Peles, megjithatë, tregojnë për tre medaljet e tij të fituesit të Kupës së Botës në 1958, 1962 dhe 1970, të parën prej të cilave e fitoi si 17-vjeçar duke shënuar gjashtë gola në çerekfinale, gjysmëfinale dhe finale.

Ai më pas vazhdoi duke e bërë Santosin e Brazilit një nga skuadrat më të mëdha të klubit që ka luajtur ndonjëherë, duke fituar çdo titull të mundshëm.

Ai doli në pension në 1974, por u kthye për të luajtur për New York Cosmos në atë që ishte atëherë liga e sapolindur e futbollit të Amerikës së Veriut.

Rekordi i tij prej 1 mijë e 281 golash në 1 mijë e 363 ndeshje është ende i patejkalueshëm.

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika